Dora Kuzmanović: Uliko stara

Uliko stara srid vrta, uliko moja mila,

U lipi i debeli hlad tvoje krošnje san sila

Pa san pomalo pensala sve po redu

Kakove sve štorije spod tih grana gredu.

Ča si se ti brižna, sve nagledala u životu

Bilo je i grdih stvari ma si vidila i niku lipotu.

Ležin tako cili dan kurjoža i pensan o svemu

Moran ti reć djeloza san ti na svemu temu

I ja bin volila da san kuščić tih štorija bila

A ne da san o temu u tvom hladu snila!

Dora Kuzmanović, Pula