Goran Radiković: Zmislim se…

Zmislim se kostajof divjih

de su polek naše škole rosli

i zmislim se zelenih pikačof jivih

i vetra kak ti nese losi

Zmislim se, če pogledneš vu jih gori,

čez listje kak ti sonce oči zapira

i zmislim se serca zarezanoga v kori

i ono kaj sam ti napisal na komad papera

Zmislim se i čosa da so jih podrli

da je bila jesen i megla je curela

i zmislim se da od potli, kak so oni hmrli,

ti mene več nesi štela

Goran Radiković, Šenkovec