Lea Lepur: Frajle vu dvorišću

kat otpreš lesu

kokice u vrčaku

su zbigecane frajle

saka ima drugu trajnu

i drugim glasom

frfla z grla

piiii – pi – pi – pi – pi


saka kljuca zrnje

v jenakom ritmu

ko – ko – daaa

gdo-je-to-tam?

kam-peš-Đurđa

vrni-se-dekla

ni-Joža-zo-tebe

neee-ne


Joža vam je glovni pevac

i se se dekle zajnega rihtaju

al si se razbežiju i mučiju

kat ih baka pe roniti


maček joj se mota pod nogami

pa mu slučajno nagazi na rep

z natikačom dok baca napoj

kokicama al micek joj mam oprosti

dok mu sipa mleko i kruh


kat se najel i zasitil

maček joj legne v krilo

dok ona sa škrlakom sedi

i rešava križalku


ž njom si navek znal

na čem si

se ti veli

i nigdar se ne srdi


vu cvetnoj klajdi

bere ribiz i maline

pa ih si zobamo

kak kokice

Lea Lepur

Velika Mlaka

*rad za kajkavski zbornik van konkurencije

Svaka kuna je itekako značajna!

Odgovori