Ak slova fčipnem ili ščipnem, zarez fčuknem ili ščuknem?

Lorena Kovač: Stora dekla

Glej ju kak po seli leče

kak muha bez glave, sim pak tam

pora si išče al’ nikak da ga najde.

 

Gledi ovoga, gledi onoga

gledi starešega, gledi mlajšega,

al’ niti jaden ji je ne praf.

 

Išče i išče, več so jo i leta pregazila

i stora dekla je postala,

tak veliju v naši seli.

 

Ništ koristi, da je bila za kaj

mela bi moža i familiju,

več bi ju nekši pobral.

 

Ve sem čula ka išče nekšega s švapskim

registracijama i s čuda evrij,

i još k tomeka ju bu nosil kak kaplico vode na dlanu.

 

Letala po cele i dneve i noči

od krčme do krčme,

de su je več si poznali.

 

I onda je došla korona v naš lepi kraj

krčme so zaprli, a dekla stopram

kak navijena vura hodi pit v sosedovo klet.

 

Si smo zaprti v hiži

sam se stora dekla vredi i šepuri,

jer je našla nekšega ka vozi mečku

i s kese mu vum evriji nalukovleju.

 

Zišla vum z auta kak kraljica s limuzine

muška faca ji je i vrata otprla.

Sema nam se lepo nasmejala i rekla:

Tu vam je ve,

korona je došla i stori dekli moža poslala.

I tak vam je stora dekla našeg sela

venčana žena postala.

 

Lorena Kovač, 6. razred

OŠ Domašinec, Domašinec

Mentor: Sanja Vebarić

Svaki cent je itekako značajan!
Donirajte Udrugu Mlada pera

Odgovori