Jona Jakšić: Japica

Kouli štrte vjutro japico je zbudilo cinkaje vekerice: „Zvrrrrrrn!“ Japica so se tak splašili kaj so mislili kaj de nešt gori. I vidli so to! Joj… Pa nej je to plamen. To je listje, listje štero več zaran doli z drejva curi. Jesen je, a to so japica znali.

„Oj, oj! Kakši lejpi den bo denes!“ rekli so dok so se naherovali nad oblok.

„Ali, tre se stati i iti delat. Vu pole!“

Odšepali so v kuhjo i mesto domočega, friško naprovlenoga mlejka, v štumblek, rakijo natočili kaj se malo „rezdramijo“. Dok so zeksali celoga štumbleka, pogledali so se v zrcalo i zakričali: „Joj, ti bokca! Pa kak to zgledim! Bodo mi rekli kaj sem kak vandravec!“

Fletno so dišli v kupaono, zgrajli česalo i tak se počesali kaj bi ve čovek rekel kaj so precednik, a nej vandravec! A bilo bi i dobro veša malo ziprati kaj se mamica posle nado morali močiti. Donesli so rijplo z rumora i hopili se rijplati, zipirati. Več je prejšlo dobrih vuru i frtol dok so bili gotovi. Dnesli so veša vum sušit i kaj so tam vidli? Pa… nikaj posebnoga. Sosedov moček sedi vu storomu, olovnomu žlejbu, sosed na svom dvoru posluša „Jutarnje vijesti“, a soseda svojo čerko v škaulo otprovlajo. Ana se zove. Una je z Zogreba, ali več od svoje druge leti živi tu pa se dobro nafčila serjojnski govoriti.

„Dobro jutro, japica! Kak ste kaj?!“ zakričala je prejk ograde.

„Ide, Anika, ide“, rekli so japica i vtem časo se zmislili kaj je škaula stopedestet metri prije japičinoga pola, još na asfaltu i kaj bi Ano mogli usput tam otpelati, kaj se soseda nado morali močiti. A i bilo bi dobro kaj Ana vidi kak je to pelati se na kolima.

„Anika, hoj sejm malo“,  pok so japica zakriknuli.

„Kaj je, japica?“ rekla je Ana.

„Čuj, bi te jo mogel v škaulo otpelati. Mi je usput. Kaj si soseda još malo predremlejo. Je to za jejne leti još zarano“,  rekli so japica z smejhekom na obrazu.

„Može, dapače! Kulko sem vam dužna?“ stiha je rekla Ana.

„Tiiiiho boj!“ črez zobe so pretisli japica i deli Ano na kola. Čim so japica rekli: „Điha!“, koji so tak počeli bežati kaktiga strejle. I tak so i Ano tpelali v škaulo.

Dok so došli na pole, japica so vidli svojega pajdoša z doljega kraja pak so se, črez teški rad, uspeli i malo spospominati i domoče vino spiti.

Posle pol štiri japica so z kolaj dojšli dimo i vidli mene kak vejžbam vezati zavoj za „Prvo pomoč“, a nejde mi i nejde.

„Boug daj, dečec! Ti jo malo pomorem. Kaj se naš moral močiti“, zgrabili so uni zavoja i pokazali mi kak se veže.

„Fala, kaj ste mi pomogli, japica!“  rekel sem jo zdušno.

„Tej čovek“, sem si mislil, „je bil takši pomogač i veseljok kaj to ne moči zamisliti. Se je delal sam na dobro drugima (kaj se „nado morali močiti“), a vmest jijh se un namočil dozlaboga. Dimo je dolazil z veseljem, dobrotom, sakoga je pozdravil… Imam sam jeno reč za jega. Anđel!“

Za por minot v kuhji se čulo: „BUUM!“. Japica so fletno dbežali nutri i vidlo so kaj je šporhet eksploderal. Mamica so mom krunico zgrajli i počeli se moliti, a bili so črni od dima kaj bi čovek rekel kaj so dimnjačar. Na so Božjo srečo, vatrogasci so odma to čuli i dobežali z kolaj v roku od dvej minote. Raspodelili so se i saki je mev svojo cejv za gasiti, no mamica so ounda nekaj naprajli kaj je nišči nej očekival, zgrajli so jeno cejv i rekli: „I jo vam malo pomorem, Kaj se japica nado morali močiti!“

Nažalost, nej so uspeli. Japica so se, od sega toga dima, vruhnuli kak letva i završili v bolnici.

Drugi den smo im išli v posetu, bili so donekle dobro. Pitali smo ih:

„Trebaš kaj, japica naš drogi?“ a uni so nam rekeli: „Sam vašo dobroto, vaše zdrovje i srečo. Za mene se najte brigati. Drugo nek se veter odnese!“

Nasmehnuli so se z istim onim smejhom kak dok so Ano vozili v škaulo, no za por sekundi počeli so zdihovati.

„Idejo“, mislil sem si jo, „na drugi svejt.“

Što zno, mortik tam, v toj tuđoj zemli nojdejo isto takšega anđela šteri je negda zdovja, zdovja bil kak un.

Jona Jakšić, 6.b razred

OŠ Mursko Središće

Mentorica: Srebrenka Puklavec Trstenjak

Rječnik kajkavskih riječi:
cinkaje – zvonjava
štero – koje
zaran – rano ujutro
naherovati se – naginjati se
zeksati – naglo popiti
ziprati – oprati
močiti se – mučiti se
japica – pradjed
štumblek – vrč za mlijeko
vandravec – neuredan čovjek, lutalica, klošar
hopiti se – početi
česalo – pomagalo za njegu dlake goveda, ali i pejorativno za češalj
rijplo – pomagalo za ručno pranje rublja trljanjem o posebnu dasku
otprovlati – otpremati
una – ona
zakričati – viknuti
kola – prijevozno sredstvo sa zapregom, pokreće se pomoću životinjske vuče
pok – opet
črez – kroz
vmest – umjesto
vruhnuti se – srušiti se
zgrajti – uhvatiti
zdušno – oduševljeno
nado – ne budu
predremati – dulje odspavati
smejhek – smiješak
dozlaboga – koliko se samo zamisliti može
koji – konji
serjonski – središćanski, koji se odnosi na govor okolice mjesta
frtol – četvrt
zdihovati – uzdisati
pajdoš – prijatelj
nejde – ne ide
Boug daj! – Bok!
dečec – dječak
veseljok – veseo čovjek
rumor – ormar
fletno – brzo
šporhet – peć za kuhanje na drva
mom – odmah
se – sve
od sega – od svega
negda zdovja – nekad davno